皇馬死火吼半場和

2020-01-18 10:17:56 来源:网络

賓施馬受傷益咗西維爾
周六晚西甲重頭戲,皇家馬德里主場同西維爾合演前列大戰。皇馬多位進攻主力因傷倦勤,至慘係頭號射手賓施馬如果無法上陣,絕對令「銀河艦隊」鋒力大打折扣,要攻破防守穩健嘅西維爾任務艱巨,相信兩軍開局謹慎行事,2.4倍半場和值得捧場。

(Now 611及632周六晚11時直播)

皇馬今季能夠於聯賽緊咬宿敵巴塞,賓施馬作為頭號射手絕對功不可沒,呢名法國前鋒暫時以12個聯賽入球,獨力擔起皇馬進攻重擔,但數到陣中2號射手,竟然係至今入得3球嘅後衞沙治奧拉莫斯,從中反映皇馬進攻手段非常單一。法國前鋒繼早前西超盃缺陣之後,今仗依然有傷上陣成疑,就算踢得狀態都難有保證,好難突破西維爾嘅密集防守。加上夏薩特和馬高阿辛斯奧等進攻好手繼續做十字軍倦勤,仲有急速上位嘅中場發電機費達歷高華維迪停賽,皇馬今仗攻力唔值得高估。

銀河艦隊近7仗5開半和
西維爾今季喺洛佩特吉帶領下,防守表現大有改進,至今聯賽失球數比1哥巴塞隆拿仲少,今季新加盟嘅巴西中堅迪亞高卡路士正值當打之年,聯賽至今全勤,成為洛帥防線上嘅核心人物,有佢坐鎮後防,西維爾有本錢抵禦皇馬攻勢。況且皇馬近期開局都慢熱,近7仗5次半場同對手打和,呢仗遇上西維爾嘅鐵血長城,皇馬都好難喺開局佔到上風,半場和值得再追。

365体育投注