奧堡多蒙特大激鬥

2020-01-18 10:17:01 来源:网络

夏蘭特效應
周末德甲焦點集中喺多蒙特作客奧格斯堡之戰,皆因成個歇冬期最爆嘅轉會新聞,就係挪威金童艾寧夏蘭特選擇加盟「蜜蜂兵團」,呢個決定除咗令一眾豪門失望之外,仲惹起德甲球壇熱話,奧格斯堡教頭馬田舒密特就話會熱情招待呢位全球炙手可熱嘅新星,要佢有個不愉快嘅德甲處子戰,今晚誓傾力同多蒙特揀過,兩軍都攻強守弱,黑柴推介中位數3.5球大盤。

(Now 672、FOX+、有線653及613台周六晚10時30分直播)

主隊教練揚言好好招呼
艾寧夏蘭特喺歐聯嘅超卓表現全球矚目,馬田舒密特都話為佢傾倒,仲話佢選擇嚟德甲令好多球壇人士期待,難得呢位新星首戰就由奧格斯堡接待,佢哋點都唔會怠慢,一定會盡地主之誼,話畀夏蘭特聽德甲唔係佢想像中咁易應付,而且奧格斯堡亦要為首循環畀多蒙特大炒5比1作出回應。馬田舒密特之所以咁有把炮,皆因奧格斯堡喺佢調教下的確進步神速,主場已經3連勝共入9球,箭頭尼達列治拿踢出人生最卓越嘅球季,至今已經交出8個入球同9個助攻,難怪馬田舒密特咁有信心向多蒙特叫板。

多蒙特經過上半季動盪演出後,目前已落後榜首RB萊比錫7分,體育總監佐爾克話明球隊目標只有冠軍,次循環場場都要當決賽踢,對今場3分志在必得,經過歇冬期後球隊傷兵情況大有改善,可以上足子彈同奧堡駁火,焦點新星夏蘭特雖因備戰時間不足,今仗好大可能先任後備,但領隊法夫爾基本上肯定會喺適當時間派佢上陣,呢場可觀嘅入球騷,大家又點可以錯過呢!

365体育投注