鵲戰唔掂車仔半和格

2020-01-18 10:12:14 来源:网络

周日凌晨英超尾場戲碼,紐卡素主場硬撼車路士。季初作客强勢嘅車仔,近期客戰表現轉趨飄忽,對住英超弱旅更頻頻失分,呢次造訪紐卡素都難有把握全取3分。尤其「喜鵲」主場對親勁旅都特別醒神,有力頂住車仔半場攻勢,一於吼實半場和。

(Now621周日凌晨1時30分直播)

紐卡素近4場聯賽只得1分,狀態遠不及上場聯賽大勝般尼3比0嘅車路士,而且紐卡素啱啱喺英足盃重賽以4比1力挫羅奇代爾,體力消耗亦比周中沒有比賽嘅車路士大,就算主場出擊亦難搶得先機。不過,考慮到車路士對上6次聯賽作客聖占士公園只得1勝1和4負,加上紐卡素今季主場迎戰Big6球隊表現特別醒神,除開鑼戰僅負阿仙奴0比1外,之後分別擊敗曼聯及同打和曼城,3戰上半場都同對手未分勝負,防線有能力同强敵周旋。

遭遇弱旅例牌窒油
季初車仔作客一度氣勢如虹,連勝走勢沒法擋,不過自11月尾不敵曼城之後,就被打窒咗條氣,近6仗作客僅取2勝3和1負,包括早前曾作客以1比3不敵愛華頓,以及1比1遭白禮頓逼和,令人懷疑車仔面對實力較弱嘅對手係唔係有輕敵之嫌。加上車路士今季11場聯賽作客只有1場保持清白之身,防線欠穩,呢場預料都唔敢過分搶攻,博半場和最穩陣。

365体育投注